Prishtinë, 8 janar 2010

Për shkak të vështirësive rreth financimit të transmetuesit publik (RTK) që rrezikojnë qëndrueshmërinë financiare të RTK-së, më 18 nëntor 2009 Këshilli i KPM-së kishte marrë vendim që afatin e hyrjes në fuqi të Rregullores për Komunikimet Komerciale Audiovizuale më datë 28 nëntor 2009, ta shtyj deri më 1 janar 2010.

Pas datës 1 janar 2010 kur edhe ka hyrë në fuqi rregullorja në fjalë, KPM ka monitoruar programet e RTK-së dhe ka vërejtur se transmetuesi publik RTK është duke transmetuar reklama në kundërshtim të plotë me Rregulloren për Komunikimet Komerciale Audiovizuale.

Në takimin e Këshillit të KPM-së të mbajtur më 8 janar 2010, është vendosur unanimisht që data 15 janar 2010 të jetë një afat shtesë dhe i fundit për RTK-në, që transmetimin e reklamave ta bëjnë në pajtueshmëri me Rregulloren për Komunikimet Komerciale Audiovizuale e cila tanimë veç është në fuqi. Në të kundërtën, dështimi për të respektuar këtë rregullore, do të rezultojë me masa ligjore ndaj RTK-së.

Të gjitha rregulloret e KPM-së të cilat janë në fuqi do të respektohen njësoj, si nga transmetuesit privat komercial po ashtu edhe nga transmetuesi publik, siç është RTK.