Prishtinë 11 dhjetor 2009

Komisioni i Pavarur për Media është thellësisht i brengosur ndaj sulmit që ka ndodhur më 7 dhjetor 2009 ndaj gazetares dhe ekipit të RTV Besa. 

Liria e shprehjes, një prej elementeve kryesore të demokracisë, që në vendin tonë garantohet me aktin më të lartë, Kushtetutën e Republikës së Kosovës, është e obliguar që të respektohet nga të gjithë në mënyre që gazetaret në Kosovë të jenë të sigurt në  misionin  e tyre për ta informuar publikun.
 
KPM mbështet gazetarinë profesionale, të drejtë dhe të balancuar dhe dënon thellë çdo veprim që pengon punën e gazetarit.

KOMISIONI I PAVARUR PËR MEDIA